उपयोगी जानकारी

धेरैजसो श्रमिकहरूले सवारी साधन प्रयोग गरी काममा जान आउने, व्यापारिक स्थान भ्रमण गर्ने, यात्रा आदिका लागि प्रयोग गर्छन् र यसै कारण ट्राफिक दुर्घटना पनि बारम्बार भइरहेको अवस्था छ। ट्राफिक दुर्घटना श्रमिकले काम गर्दै गर्दा भएको खण्डमा श्रम दुर्घटना मान्य हुन सक्छ। यस अवस्थामा श्रमिकलाई मोटर गाडी बीमा र श्रम दुर्घटना बीमाबाट क्षतिपूर्ति सम्बन्धी समस्या उत्पन्न हुन्छ र कुनलाई पहिले प्राप्त गर्ने भन्ने कुरा व्यक्तिको छनोटमा निर्भर हुन्छ। तर दोहोरो भुक्तानी निषेधको सिद्धान्त अनुसार एकै कारणले मोटर गाडी बीमा वा श्रम दुर्घटना बीमाबाट दुवै प्राप्त गर्न सकिँदैन र यदि मोटर गाडी बीमाको क्षतिपूर्ति वा सिविल सहमतिको रकम पहिले प्राप्त भएको छ भने त्यसरी प्राप्त भएको बीमा क्षतिपूर्ति वा सहमतिको रकम बराबर श्रम दुर्घटना बीमाबाट कटौती गरी क्षतिपूर्ति दिइन्छ। तर यदि मोटर गाडी बीमाको क्षतिपूर्ति श्रमिक आफैंले गरेको बीमाबाट दिइएको छ भने श्रम दुर्घटना बीमा यसबाट असर नपरी पूर्ण रकम प्राप्त गर्न सकिन्छ।