उपयोगी जानकारी

औद्योगिक दुर्घटना क्षतिपूर्तिको दाबी उपचार आवेदन, उपचार खर्च दाबीपत्र, आराम भत्ता दाबीपत्र, अपाङ्गता क्षतिपूर्ति दाबीपत्र, मृतक परिवार एकमुष्ट क्षतिपूर्ति दाबीपत्र, अन्त्येष्टि खर्च दाबीपत्र, मृतक परिवार पेन्सन दाबीपत्र, रोग क्षतिपूर्ति पेन्सन दाबीपत्र जस्ता सम्बन्धित विभिन्न औद्योगिक दुर्घटना क्षतिपूर्ति दाबीपत्रहरू तीन-तीन प्रतिलिपि लेखेर रोजगारदाताको प्रमाणीकरण र स्वास्थ्य संस्थाको प्रमाणीकरण लिई आवेदकले हस्ताक्षर र टिकापूर्जा गरी स्वास्थ्य संस्था र श्रम कल्याण कोषको सम्बन्धित शाखामा क्रमशः एक-एक प्रतिलिपि बुझाउने र एक प्रतिलिपि आफूले राख्ने। रोजगारदाताले प्रमाणीकरण नदिएमा वा नियमित कामदार ५ जना वा सोभन्दा बढी भएर औद्योगिक दुर्घटना बीमाको स्वतः लागू हुने कार्यस्थल हुँदा पनि रोजगारदाताले औद्योगिक दुर्घटना बीमा नगरेको वा कामसम्बन्धी दुर्घटना नभएको भनी रोजगारदाताले दाबीपत्रमा प्रमाणीकरण नदिएमा यस्ता विवरण उल्लेख गरेको उजुरीपत्र संलग्न गरी दाबीपत्र बुझाउँदा श्रम कल्याण कोषले आफ्नो अधिकारमा अनुसन्धान गरी औद्योगिक दुर्घटना क्षतिपूर्ति दिने वा नदिने निर्णय गर्छ र कामसम्बन्धी दुर्घटना मान्ने भए क्षतिपूर्ति दिन्छ। पीडित कामदार वा लाभग्राही आदि औद्योगिक दुर्घटना क्षतिपूर्ति दाबी गर्नेले बीमा भत्ता भुक्तानी वा कोषको अस्वीकृत निर्णयमा असन्तुष्ट भएमा निर्णय भएको थाहा पाएको मितिदेखि ६० दिनभित्र कोषको क्षेत्रीय मुख्य कार्यालयमा पुनरावलोकन दाबी गर्न सक्छ। यसबेला पुनरावलोकन दाबीपत्र प्रारम्भिक निर्णय गर्ने श्रम कल्याण कोषको सम्बन्धित शाखामा बुझाउनुपर्छ। पुनरावलोकन दाबी गर्ने कामदार वा मृतक परिवारले पुनरावलोकन निर्णयमा फेरि असन्तुष्ट भएमा निर्णय भएको थाहा पाएको मितिदेखि ६० दिनभित्र रोजगार तथा श्रम मन्त्रालयको औद्योगिक दुर्घटना क्षतिपूर्ति बीमा पुनरावलोकन समितिमा पुनःपरीक्षण दाबी गर्न सक्छ। यसबेला पनि पुनःपरीक्षण दाबीपत्र प्रारम्भिक सम्बन्धित शाखामा बुझाउनुपर्छ।
पुनःपरीक्षण दाबी गर्ने कामदार वा मृतक परिवारले पुनःपरीक्षण निर्णयमा फेरि असन्तुष्ट भएमा पुनःनिर्णयको आधिकारिक प्रतिलिपि प्राप्त गरेको मितिदेखि ६० दिनभित्र निर्णय गर्ने श्रम कल्याण कोषको क्षेत्रीय मुख्य कार्यालय (शाखा) को क्षेत्राधिकार भएका उच्च अदालतमा प्रशासनिक मुद्दा दायर गर्न सक्छ। आपत्ति आवेदन वा पुनःपरीक्षण दाबी कामदार वा लाभग्राहीले आफैं गर्न सक्छन् वा वकिल, प्रमाणित श्रम सल्लाहकारलाई प्रत्यायोजन गरी दाबी गर्न पनि सकिन्छ।