उपयोगी जानकारी

श्रमिकको सुरक्षा र स्वास्थ्य सम्बन्धमा पहिले श्रम मापदण्ड ऐन अनुसार नियमन गरिन्थ्यो तर औद्योगिक विकाससँगै दुर्घटनाहरूको ठूलो रूपमा वृद्धि, व्यावसायिक रोगहरूको वृद्धि, साना तथा गरिब कम्पनीहरूमा दुर्घटनाहरूको बारम्बारता जस्ता प्रवृत्तिका कारण न्यूनतम मापदण्डको सुनिश्चिततामा केन्द्रित पुरानो नियमन विधिबाट प्रभावकारी रूपमा सामना गर्न कठिन भयो। त्यसैले, उद्योगको सुरक्षा र स्वास्थ्य सम्बन्धी मापदण्ड स्थापित गर्ने, जिम्मेवारीको स्थान स्पष्ट पार्ने, औद्योगिक दुर्घटना रोक्ने, आरामदायी कार्य वातावरण सिर्जना गरेर श्रमिकको सुरक्षा र स्वास्थ्य कायम राख्न र प्रवर्द्धन गर्नका लागि १९८१ मा औद्योगिक सुरक्षितता तथा स्वास्थ्य ऐन निर्माण गरियो। यो ऐनलाई औद्योगिक सुरक्षा स्वास्थ्यको आधारभूत ऐन भन्न सकिन्छ। यो ऐनमा उद्देश्य र परिभाषा आदि नियमित सामान्य प्रावधान सहित सुरक्षा स्वास्थ्य व्यवस्थापन प्रणाली, सुरक्षा स्वास्थ्य व्यवस्थापन नियमावली, हानिकारक जोखिम रोकथाम उपायहरू, श्रमिकको स्वास्थ्य व्यवस्थापन, निरीक्षण र आदेश, औद्योगिक दुर्घटना रोकथाम कोष, अतिरिक्त प्रावधान, सजाय आदि ९ अध्यायहरू समावेश छन्। यसका अधिनस्थ नियमहरूमा सोही ऐनको कार्यान्वयन नियमावली र कार्यान्वयन नियमहरू, औद्योगिक सुरक्षा मापदण्ड सम्बन्धी नियमावली, औद्योगिक स्वास्थ्य मापदण्ड सम्बन्धी नियमावली आदि छन्, र यिनीहरूलाई कार्यान्वयन गर्नका लागि उदाहरण नियमहरू, सूचना, निर्देशन आदिश् छन्।