उपयोगी जानकारी

कर्मचारीले रोजगारदातासँगको रोजगार सम्झौताअनुसार वास्तवमा काम गर्न बाध्य भएको समय। यो अनिवार्य रूपमा शारीरिक र मानसिक रूपमा काम गर्ने समय मात्र नभई कामको उद्देश्यका लागि रोजगारदाताको आदेश र निर्देशन प्राप्त गर्ने अवस्था हो, त्यसैले अर्को कामको लागि पर्खने समय वा काम अघि र पछि तयारी तथा सफा सुब्यस्त गर्ने आदि रोजगारदाताको निर्देशन र पर्यवेक्षणमा रहेको अवस्थामा कामको समयमा समावेश हुन्छ। कामको समय रोजगार अवस्थाको अत्यन्त महत्वपूर्ण कुराहरूमध्ये एक हो त्यसैले कर्मचारी संरक्षणको दृष्टिकोणबाट श्रम मापदण्ड ऐनले यसमा कडा प्रतिबन्ध लगाएको छ। अर्थात्, कामको समय १ दिनमा ८ घण्टा, १ हप्तामा ४० घण्टालाई आधार मानेर यसलाई ननाघ्न १ दिन ८ घण्टाको कामलाई सिद्धान्त बनाएको छ (श्रम मापदण्ड ऐन धारा ४९)। तर, पक्षहरूबीचको सहमतिमा १ हप्तामा १२ घण्टाको सीमासम्म थप काम गर्न सकिन्छ (उही ऐन धारा ५२)। यस समयमा रोजगारदाताले थप कामको लागि सामान्य ज्यालाको ५० प्रतिशत वा सोभन्दा बढी थपेर भुक्तानी गर्नुपर्छ (उही ऐन धारा ५५)।