Пайдалуу маалымат

Убактылуу жумушчулар, кыска убакытта иштеген жумушчулар ж.б. туруксуз жумушчулар кескин көбөйүп, бул жумушчуларга карата кемсинтүүчү мамиле жана кыянаттоо иш-аракеттери коомдук көйгөйгө айлангандыктан, убактылуу жумушчулар жана кыска убакытта иштеген жумушчуларга карата негизсиз кемсинтүүнү жоюу үчүн жана жумуш берүүчүнүн кыянаттоо иш-аракеттерин чектөө аркылуу бул жумушчулардын эмгек шарттарын коргоо жана эмгек рыногунун туруктуу өнүгүшүн камсыз кылуу максатында кабыл алынган.
Негизги мазмуну – убактылуу жумушчуларды колдонуунун максималдуу мөөнөтүн 2 жыл деп белгилөө жана бул мөөнөттү ашып колдонгон учурда убактысы аныкталбаган жумуш келишимин түзгөн жумушчу катары эсептөө.
Ошондой эле кыска убакытта иштөө үй иштери, окуу ж.б. жумушчунун жеке абалына байланыштуу көп учурда болуп турганын эске алып, кыска убакытта иштеген жумушчуларды белгиленген эмгек убактысынан ашып иштеткен учурда тиешелүү кыска убакытта иштеген жумушчунун макулдугун алууну жана анын жогорку чегин 1 жумага 12 саат деп белгилөөнү талап кылат.
Жана убактылуу жана кыска убакытта иштеген жумушчуларга карата кемсинтүүнү тыюу жана жоюу системасын киргизүү аркылуу убактылуу жана кыска убакытта иштеген жумушчуларга негиздүү себепсиз кемсинтүүчү мамиле кылууну тыюу жана убактылуу жана кыска убакытта иштеген жумушчулар кемсинтүүчү мамилеге кабылган учурда эмгек комитети аркылуу жоюуну талап кылып, кемсинтүүчү мамилени жоюу боюнча арыз жана тиешелүү талаш-тартыштарды чечүүдө далилдөө милдетин жумуш берүүчүгө жүктөдү.